ادعية باللهجة الليبية

خير يا ضنا اجواد.
توا هذا غير جيت من سفر وفتحت على طول منتدى اول ماخشيت حوش..
قلت نشوف جديدكم ولقيت قسم بالليبي عجبنى واجد .
بس ما شاء الله طلعتو كلكم هدرازين درجه اوله .
حتى حرير طلعت تعرف تحكى ليبي هذى انا مستغربا فيها يمكن فيها عرق ليبي مش عارفه بس وين لها عمر قاعده فى منتدى.
ومنورتنا صراحه.
يلا خلونى فى موضوعى .
قلت نزل ادعيه بل لهجه الليبيه .
وانتو زيدو من عندكم.

الله يجعل خدامك من حزامك

الله يجعل من يحاذيك يربح

الله لا تغرّب إلا خيارنا

الله يجعلك وين تشوّر تنوّر

الله يجعلك مفتاح البيبان المسكرة

الله يهديك للخير

الله ايربّحك وين ما تعطي وجهك

الله لا ايدعدعك

الله لا ايداعيك علي مهالك

الله ايجبها لك زينة

الله يكفيك شرهم

الله ايغلّبك عليهم

الله لا اتقوي علي ارجالنا ارجال

فكك ربي من الضلام وفروخ الحرام

ربي يفتحها افوجهك

انشاء الله طريقك خضرة

وفى اخير هذى حنى تقول فيها..
الله ايربحك علي عد شعر راسك
وانتو زيدو من عندكم

» معاني المدن الليبية
» الكلمات الليبية من أصل طلياني