الكلمات الليبية من أصل طلياني

كلنا نعرفو ان كلام اى ليبى اكيد حتدخل فيه كلملت ايطاليه بحكم الاستعمار السابق وفى هدا الموضوع نحبو نديرو زى القاموس للكلمات الى نستخدموفيها وهى من اصل ايطالى
وحتى اخوانا الى مش من ليبيا يقدرو يفهمو علينا

و انتم كان عندكم كلمات اخرى اذكروهم ........اكيد كلكم عندكم يعنى بليييييز ردو ---مع الترجمه
هذه بعض الكلمات الليبية من أصل ايطالي و انا حاذكر البعض الي خطر ع بالي

كوجينا ----مطبخ

كتشافيتى -------------مفك البراغى

فركيته -----------شوكة الاكل

بالكوني--------نافده

مرشابيدى --------رصيف المشاة

بانيو---------حوض الاستحمام

سبيتار--------مستشفى \معاش يستخدمو فيها هلبه

دجاطونى ------------هدى نخليها للشباب يترجموها لانى ماعرفتش

قرمبيول ------------زى مدرسى

بريزة -----وصله كهربائيه

تاكو ----------(مفتاح الكهرباء الرئيسى)

قراديلا---------------- { شواية اللحم}

طروف السيارات تبى يومين باش اتكملهم من الاخير الطروف كلهم بالطليانى-----يعنى كان تخش فيهم تلقا روحك تتكلم طليانى وهدى نخليها للشباب

وكان فى كلمات اصلهم مش طليانى ياريت تفيدونا
وللحديث بقيه تو كل مانتفكر واحده تو نولى

وكل واحد يخش لا زم يكتب على الاقل كليمتين بالذات الليبيين

» ادعية باللهجة الليبية
» معاني المدن الليبية