مانك صافيه..أتسيلي نهار وليل على اللي جافيه
على مانهيت أوحلت,مانك صافيه
----
ليش سمَرتي..وليش دمعتك فوق الخدود حدَرتي ؟
ذوقي أمراره ماعليه أجبرتي..أبروحك وطَيتي جمر ناره حافيه
وأبذارك على يبس الوطاه بذرتي..مكلوبة كَلَب وألله مانك صافيه
هذى قرعتك وأللي عليه أقدرتي..أمعاك لاَحمَه ناره ونارك طافيه
أرياحك تخاطن قبّلوا بحّرتي..هم يضحكوا وأنتي أترابك سافيه
----
مسّع نهار صفيتي..نين م البكاء ومنّك أنسدّت نيتي
لوكان ينفعك ياما عليه شليتي..أنسيهم وقولي ياألله العافيه
فى أعيون الشوامت مَضحَكَه تمّيتي..سبلَه بلا سبله ولقيوا خافيه
وعند العواقل راخصه خفّيتي..اللي قبل مشتاقين جيّك لافيه
أيش مكسبك م الدمع وأيش قضيتي..أمفيت قفزتك فـ الليل وأنتي غافيه
سلامـــــــــــى
المزاج
موضوع: مانك صافية....(محمد البدري) 
السبت نوفمبر 21, 2009 4:54 pm