المدير العام المدير العام
عدد المساهمات : 52 تاريخ التسجيل : 11/10/2009 العمر : 31 الموقع : طرابلس - ليبيا العمل/الترفيه : طالب في التانوية المزاج : رايق على الاخر
| موضوع: كيف تعرف الشخص ليبي ولا لا ؟؟؟؟؟؟ الإثنين أكتوبر 19, 2009 4:06 pm | |
| بالصدفة شبحت شخص قدامك شكيت فيه وبديت تقووول
زعمة ليبي ولا لا تشوف الشروط هدي
ادا تطابقت المواصفات هدي مع مواصفات الشخص فهو من غير ماتحك راسك ليبي
-اذا كان سمعت حد يقول شن الجو, صقع عليك........فهذا بالتاكيد الشخص ليبي -اذا كان لقيته شاد مكياطة في يد وفي اليد التانية سبسي ....فهذا بالتاكيد الشخص ليبي -اذا كان عطاك موعد وجاك بعد ساعة او ساعتين ....فهذا بالتاكيد الشخص ليبي
-اذا كان قالك خمسة دقايق وقعد ساعتين.....فهذا بالتاكيد الشخص ليبي -اذا كان قالك شبوب والنبي ولعة ...والنبي سبسي....فهذا بالتاكيد الشخص ليبي
-اذا كان لقيت في ايده باكو متكوب عليه رياضي.....فهذا بالتاكيد الشخص ليبي
-كان قالك علي بنت خاطمة مصطلح غريب اول مرة تسمعه... زي بعيصة.................فهذا بالتاكيد الشخص ليبي -وكان قالك شبوب ممكن العكشة.....ولا تعكشلي...فهذا بالتاكيد الشخص ليبي
-كانك علي شط البحر ولقيت واحد رادم دلاعة علي الشط ولا صندوق مشروب .. فهذا بالتاكيد الشخص ليبي
-كان بدي يبي ينكت ....يقولك مرة في واحد .......مع احترامي ....... فهذا بالتاكيد الشخص ليبي
-كان لقيت واحد يقول للبيجو 404 موديل 75 عكارية او قلع ....فهذا بالتاكيد الشخص ليبي
-كان بدي يهدرز علي العائلة الكريمة وقالك الشيباني -على بوه-...والعزيزة-علي امه -...فهذا بالتاكيد الشخص ليبي
-كان طقطق عليك واحد من الجيران وقالك تسلم عليك امي وقالتلك حكة طماطم ....ولا حكة زيت ...شوية ملح.....فاعلم ان جيرانك ليبين -كان لقيت بنية صغيرة تغني عيلة ياعيلة...هذي ماتحكش فيها راسك بكل بالتاكيد ليبية
-كان سالت واحد وقلتله شن اكتر اكلة تحبها وقالك بازين..ولا مكرونة امكبكة ....فهذا بالتاكيد الشخص ليبي واخيرا وليس آخرا افتخر باني ليبي والحمد لله اني جيت ليبي .... وصدق اللي قال كان ماجيتش ليبي راهو فاتك الجو كله أه قبل ماننسا أهم إختبار لليبي في الدردشه أطلب منه ترجمه الجمله هدي وكن معرفش راهو نبصم بالعشره انه مش ليبي
الجملة :قطوسه مقعمزه علي الروشن تشبح لوطي | |
|
سهر الليالي المدير العام
عدد المساهمات : 19 تاريخ التسجيل : 18/11/2009 العمر : 31 الموقع : yahoo.com العمل/الترفيه : الانترنت المزاج : زعلانه
| موضوع: رد: كيف تعرف الشخص ليبي ولا لا ؟؟؟؟؟؟ السبت نوفمبر 21, 2009 3:57 pm | |
| | |
|
زعيم الشام المشرف العام
عدد المساهمات : 21 تاريخ التسجيل : 23/11/2009 العمر : 30 المزاج : رايق
| موضوع: رد: كيف تعرف الشخص ليبي ولا لا ؟؟؟؟؟؟ السبت ديسمبر 05, 2009 12:59 pm | |
| مشكوررررررررررررررررررره وباين انكي عنجد ليبيه | |
|